زمِي شفافِك
زيحي عن شباكو الضو
نعسان
مدندل حبالو ع كتافِك شال
زمي شفافك شوي
بردان
لهتي بالجو
بيطلع القمر من قلبو هلال
ت تفطري ع بوسي من تمو
برمي الشمس صوبو
عطشان
معربط بهمو
طمري خيالك بخيال
هربان من دربو
يا عفاريت الموج
سكتي
غلغل بجلدو الشتي
هج ْ
نسي حالو بالباب
مفتاح أكلو الصدي
شدي ع ايدو
ت تنقط صبيعو ندي
لفيلو الشمس كتاب
يعملو مخدي
زمي شفافك شوي
انبحْ صوت الليل
ما بقا يودِي
ليست هناك تعليقات:
إرسال تعليق